"Real" "Arsenal"ın hücumçusunu istəyir

"Arsenal"ın hücumçusu Aleksis Sançes gələn ay komandadan ayrıla bilər.

Qol.Az-ın Britaniya mətbuatına istinadən verdiyi məlumata görə, çilili futbolçu "Real" (Madrid) klubunun maraq dairəsinə düşüb.

"Kral klubu"nun baş məşqçisi Rafael Benites yanvar ayından Sançesi komandasında görmək istəyir. "Real" bu transfer üçün futbolçusu Xeseni də "Arsenal"a verməyə hazırdır. Tərəflər arasında razılıq əldə olunsa, Sançes yanvar ayından "Real"ın formasını geyinəcək.

Qeyd edək ki, Çili yığmasının üzvü 2014-cü ildə "Barselona"dan "Arsenal"a transfer olunub.