"Bavariya"nın futbolçusu üçün il erkən başa çatdı

"Bavariya"nın müdafiəçisi David Alaba başa çatmaqda olan 2015-ci ildə meydana çıxmayacaq.

Qol.Az-ın Almaniya mətbuatına istinadən verdiyi xəbərə görə, bu barədə Münhen təmsilçisinin baş məşqçisi Pep Qvardiola məlumat verib.

İspaniyalı mütəxəssis "Şalke" ilə görüşdə (3:1) zədələnən Alabanın durumunun ciddi olduğunu və bu səbəbdən ilin sonuna qədər oynaya bilməyəcəyini deyib.

Qeyd edək ki, "Bavariya"da Alaba ilə yanaşı, Tiaqo Alkantara, Frank Riberi, Aryen Robben, Duqlas Kosta və Mario Qötze kimi futbolçular da zədə səbəbindən komandaya kömək edə bilmir.